Thursday, April 23, 2015

අධ්‍යාපන බලධාරින්ගේ සිංහල සහ දෙමළ සංස්කෘතික කප්පාදුව




පසුගිය 21 වනදා පාසල් වල දෙවන වාරය ආරම්භ විනි. පළමුවාරය සදහා නිවාඩු ලබා දුන්නේ අප්‍රේල් මස 8 වනදාය. පළමු වාර නිවාඩුව දින 12කි. සති දෙකක් වත් නැත. ලාංකිය ශිෂ්‍ය ව්‍යාපාරයේ බහුතර ප්‍රමණයක් සිංහල සහ දෙමළ සිසු සිසුවියෝ වෙති. 

අප පාසල් වන කාලයේ නම් පළමු වාර නිවාඩුවද අනෙක් වාර මෙන් මාසයකට ආසන්න කාලයක් ලැබුනි. නමුත් දැන් වසර කීපයක සිට එහි දින ගනන් අඩු වෙමින් පවති. 

එසේ වන්නේ ඇයි ?


බොහෝ පාසල් වල පළමු වාරය අධ්‍යයන චාරිකා සහ ක්‍රීඩා උත්සව සදහා වෙන් කර ඇත. අපේ කාලයේ නම් එවැනි කටයුතු සංවිධානය වුයේ හෝ පුහුණුවීම් බහුලව කරනු ලැබූයේ පාසල් වෙලාවෙන් පසුවය. නමුත් දැන් දැන් ජනවාරි මාසයේ සිට පෙබරවාරි මාසය අවසන් වන තෙක් බොහෝ පාසල් වල ඉ‍ගැන්වීම් කටයුතු සිදුවන්නේ අල්ප වශයෙනි. බොහෝ පාසල් වල සිසු සිසුවියන් අදාල මාස වලදී සිටින්නේ විවේකයෙනි.
එසේ වන්නේ ගුරුවරුන්ද ක්‍රීඩා උත්සව යැයි කියමින් ඉගැන්වීමට නොපැමිණෙන නිසා වෙනි. මේ නිසා මේ ඉගැන්වීම සදහා අහිමිවන කාලච්ඡේද ගණන ආවරණය කරගනුයේ පළමු වන වාර නිවාඩුවෙනි.

මෙය කොතරම් සාධාරණද ?

අවුරුදු කාලය යනු සිංහල සහ දෙමළ ‍‍බොහෝ පිරිස් පවුල යන සංකල්පයේ බැදෙන කාලයකි. බොහෝ පවුල් තමන්ගේ මුල් ගම් නෑදැයන් හමුවන්නේ මේ කාලයේදිය. එසේම ‍බොහෝ දෙනා දෙමව්පියන්ට නෑදැයන්ට බුලත් දී වදින්නේද ගෞරව කරන්නේ ද මේ මාසයේය. 

එබැවින් සංස්කෘතික බැදීම් තහවුරු වන මෙවැනි වැදගත් සංස්කෘතික මංගල්‍යයක් සැමරීම සදහා ඇති දින ගනන අධ්‍යාපන බලධාරින්ගේ අසංවිධානාත්මක හේතූන් නිසා කපා හැරීම සදහා කටයුතු සලස්වන්නේ නම් ඒ සදහා සිංහල සහ දෙමළ අපි ‍අවදියෙන් මෙය වෙනස් කර ගැනීම සදහා කටයුතු සම්පාදනය කර ගත යුතු යැයි විශ්වාස කරමි...

ඔබ මොකද හිතන්නේ මේ ගැන....



Monday, August 26, 2013

හැදිමිට කොච්චර දිගද ?


ග්‍රාමීය සංවර්ධනය පිළිබද පාඨමාලාවක් මේ දිනවල ජයවර්ධන විශ්ව විද්‍යාලයේ හදාරමින් සිටිමි. මාත් සමග එම පාඨමාලාව හදාරන සහෘදයන්ට එක් එක් කොටස් අවසානයේ නිබන්ධන පැවැරම් ලැබේ. එහි එක් කොටසකට අදාලව ග්‍රාමීය සංවර්ධන කටයුතු වලදී කාන්තාවට මුල් තැන දිය යුතුය යන්න මාතෘකාව කොට ගෙන මා වෙත නිබන්ධනයක් පැවැරිණි. ඒ අනුව එහි කටයුතු කරමින් යද්දී සදුදා මාධ්‍ය මගින් එක් ප්‍රවෘත්තියක් ප්‍රසිද්ධීයට පත් විය.

එනම් රු ලක්ෂ 4ක් සහිත අත්බෑගයක් ඇදුම් සාප්පුවක ඇදුම් රැක් එකක එල්ලා ඇදුමක් ෆිටොන් කිරීම සදහා ෆිටෝන් කාමරයකට ගිය කාන්තාවක් සම්බන්ධ පුවතකි. එහිදි අදාල කාන්තාව මහරගම පිහිටි ජනාකීර්ණම ඇදුම් සාප්පුවක රැක් එකක අතිවිෂාල මුදල් සහිත අත්බෑගයක් එල්ලා නව ඇදුමක් පිරික්සීමට යන කාන්තාවක් සිටීනම් ඒ කාන්තාව ගැන කිව හැක්කේ කුමක්ද ? තවද එම අත්බෑගය හොරකම් කරනු ලැබූයේ තවත් කාන්තාවක් විසින් මැයි යනුවෙන්ද මාධ්‍ය වාර්තා කරයි.

දුටු දුටු දේ ලොල්වී මනස විකල් කරගන්නා කාන්තාවන් වෙසෙන සමාජයක ග්‍රාමිය සංවර්ධනය සදහා කාන්තාවන්ට මුල් තැන දීම කෙසේ කල හැකිද ?

සොරකමට අදාල වීඩියෝ පුවත

කාන්තාව සම්බන්ධ ආටක නාටක වීඩියෝවක්

Thursday, July 11, 2013

නැතිවුනා - සම්බවුනා

මධුර යාමයක කෙලෙවර ආදා
දැනෙන සිතුවිලි ගෙන විත් බාදා
පුබුදමි නව නව පැතුමන් සැමදා
පතමින් ඉක්මන් කෙලෙවර ඈදා



Saturday, June 29, 2013

චින්තක රණවීර සහ ෆියුචර් මයින්ඩ්ස් (Future Minds)


දිනුක පෙරේරා නාලන්දේ මගේ පන්තියේ මිත්‍රයෙක්.අපි 2005 වසර අග බාගයේ වෙනකොට 90 කණ්ඩායමේ කටයුතු වලට දායක වෙමින් සිටියා.

එක්තරා දිනක දිනුක මට කිව්වා මචං වරෙන් ජූනියර් ඕබීඒ එකේ රැස්වීමක් තියෙනවා සෙට් වෙමු කියලා. මමත් ඉතින් ඒකට ගියා. ඒකට ගියහම ඒ අවුරුද්දේ එකේ සභාපති වෙලා හිටියේ බිනර ගුණසේකර සොහොයුරා. ඔහු මේ ව්‍යාපෘතිය පැහැදිලි කරමින් සිටියා. වැඩි දුරටත් චින්තක රණවීර සොහොයුරා පැහැදිලි කලා. එසේ පැහැදිලි කිරීමේදී මෙය IDM නැමැති ආයතනයත් සමග එකතුවී කරන්නට සිටි වැඩ සටහනක් බවත් IDM ට වඩා නාලන්දේට ආදරේ නිසා නාලන්දෙට මෙය පරිත්‍යාග කරන බවත් පැවසුවා.
ඒ අනුව මේ සදහා සංවිධායක කමිටු ඇති කලා. මම මුළුන්ම ඇතුළු වුනේ ප්‍රචාරණ අංශයට. මට වැඩ කරන්න වුනේ චින්තක රණවීර සමග. චින්තක තමයි මේ ව්‍යාපෘතිය පිළිබද අදහස ආසභ අය්යාට දැම්මේ. කිසි දිනක කර නැති නොදන්නා මේ ව්‍යාපෘතිය කිරීමේ වගකීම ආසභ අය්යා ගත්තා. මේ වැඩේට ලොකු වියදමක් යනවා. පාඩුවුනොත් සංගමයට බරක් දෙන්නේ නෑ කියලා මට මතක හැටියට ආසභ අය්යා කිව්වා පසුදිනක රු ලක්ෂ 8 ක පමණක් වෙන් කරලා තිබ්බා කියලා පුද්ගලික මුදලින් ප්‍රෂ්නයක් වුනොත් පරිත්‍යාග කරන්න.

මේ වැඩේ අළුත්. බරපතලයි. එහි මුල්ම ව්‍යාපෘති සභාපති වුනේ නිහාල් පතිරගේ අය්යා. සෑම දෙයක්ම මුල ඉදලාම පටන් ගත්තා වැඩේ අළුත් නිසා. සමහර ඒවා කොහෙන් පටන් ගත්තද කියලා හිතා ගන්නත් බෑ.
මට පැවරුනේ චින්තකත් එක්ක වැඩ කරන්න. කතා වෙලා අපි දෙන්නත් මට මතක හැටියට ඒෂියන් පේන්ට්ස් එකේ චන්න හේවගේත් අපි 3 දෙනා රත්මලාන ටෙම්ප්ලර්ස් පාරේ තොසේ කඩේක සෙට්වුනා දවල්. චින්තක එදා ලැප්ටොප් එකේ දාලා පෙන්නුවා ලොගෝ සහ මාකටින් ප්‍රොපෝසල් සහ සියළුම ඇඩ්වටයිසින් ඩිසයින් ටික. මේ මිනිහා ව දුරකථනයෙන් අල්ල ගන්න මහ වදයක් වුනා. මට ප්‍රචාරක කමිටුවේ ඉන්න එක ඇතිවෙලා තිබුනා. නමුත් චින්තක අවශ්‍ය වේලාවට ඉතාමත් ලස්සන මනරම් ඩිසයින් ටිකක් කරලා තිබ්බා.
මට පස්සෙයි තේරුනේ ආප්ප දානවා වගේ ඩිසයින් කරන්න බෑ කියලා. ප්‍රචාරන කටයුතු කරගෙන යන ගමන් මාව දිනුක අලෙවිකරන අංශයටත් ඇදලා ගත්තා.
ප්‍රචාරණය සහ අලෙවිය එකට බැදිලා තිබ්බා. නමුත් අදාල ඩිසයින් තිබ්බත් මේවා දාන්න බැහැ. මාධ්‍ය ආයතන වලට ගෙවන්න ඕනේ. ආසභ, චින්තක සහ මොහාන් අය්යා සෑහෙන මහන්සි වුනා මීඩියා ස්පොන්සර්ශිප් එකක් ගන්න. ආසභ අය්යාටත් නිහාල් අය්යාටත් පුළුවන් වුනා රු මිලියන 2.5 ක ස්පොන්සර්ශිප් එකක් ගන්න ලේක හවුස් එකෙන්. ඒකෙන් තමියි පටන් ගත්තේ. Ground Handling අංශය බාරව හිටපු නොයෙල් කිසිම පූර්ව අත්දැකීමක් නැතිව බොහොම සංවිධානාත්මක Exhibitor Booth Layout එකක් ඇදලා ගෙනවා. ඒකට අනුව වෑපොලට පුළුවන් වුනා (Future Minds) ඉතිහාසයේ පලවෙනි ස්ටෝල් වෙන්කිරීම NIBM එකෙන් ලබා ගන්න.

බොහොම අමාරුවෙන් අවසානයේදී සාර්ථක (Future Minds) එකක් සංවිධානය කරන්න පුළුවන් වුනා. සෑහෙන ලාබයක් සංගමයට ලැබුනා.රු මිලියන 6ක් විතර ලැබුනා පලවෙනි එකෙන්ම. චින්තක මේ කටයුත්ත වෙනුවෙන් ගොඩක් මහන්සි වුනේ සංගමයේ කිසිම නිලයක් නැතිව. චින්තක ගේ අදහසට ආසභ ගුණසේකර ,නිහාල් පතිරගේ,මොහාන් තිලකවර්ධන, විජිත ජයසේකර, ජයලත් අය්යාලා කර දුන්නා. නිශාන්ත වික්‍රමසිංහ, ප්‍රදීප් පීරිස් සුසන්ත සිරිවර්ධන, අරෝෂ අමරසිංහ, දිනුක පෙරේරා, නොයෙල් විජේතුංග, චන්දිම ද සිල්වා ඇතුළු තවත් සොහොයුරෝ රැසක් එකාවගේ වැඩ කලා. ඒවගේම චන්දිම වීරක්කොඩි සොහොයුරාත් පසුකාලයේදී සංජීව පෙරේරා,රවී අහංගම,අරෝෂ කුමාර,සුගත් නාගහවත්ත,නලීන් ධර්මසිංහ සහ සංජය ප්‍රනාන්දු සොහොයුරන්ද මේ සදහා නායකත්වය දුන්නා.

පසුගිය සිකුරාදා (Future Minds) හි 7 වන දිග හැරුම ඇරඹෙනවා. ඊයේ එය නුවර වැඩසටහන ආරම්භ වුනා. එදා මෙදා තුර පාසලට (Future Minds) නිසා ලැබුනු මුදල මිලියන ගණනාවක් වෙනවා.පාසලට මෙවැනි වටිනා කටයුත්තක් තිලිණ කලත් එදා ඉදන් අද වෙනකම් මට හිතෙනවා චින්තක රණවීර කියන චරිතයට මේ සංගමයෙන් හරි හමන් ඇගයීමක් ලැබුනේ නෑ කියලා. පසුගිය වර්ෂයේ එක්තරා දිනක ආරම්භයේ සිට මේ දක්වා (Future Minds) සදහා වැඩ කල සොහොයුරන්ට සම්මාන ලබා දී තිබුනත් චින්තක රණවීර සොහොයුරා ව අමතක වී ඇති බව වාර්තා වෙනවා.


මැලේසියාව ගොඩ නැංවූ එහි නායක මහතීර් මොහොමඩ් ව ලංකාවේ අපිද අගය කරන කාලයක සංගමයට මුදලින් මිලියන ගණනාවක් ලැබී පාසලට සේවය කරන්න ව්‍යාපෘතියක් ලබා දුන් චින්තක රණවීර සොහොයුරා ව නොසලකා හැර ඇත්තේ ලංකාවේ එකම 100% බෞද්ධ පාසලක කළගුන සැලකීමේ බෞද්ධ හරය අමතක කරමින් බව සිහියට නැගීම වැලක්විය හැකිද ?

Friday, June 21, 2013

හමුවෙමු අපි ....

හිමිදිරියේ පොද වැටිලා
නැවුම් දිනක් උදා වෙලා
නව පැතුමන් මෝදු වෙවි
හිරු රැස් ටික ගලා අවුත්
පිණි කැට වියලා දාවී
පීදෙන පැතුමන් හනිකේ
දවා නිවා අළු කරලා
සැඩ හිරු රැස් වට කරලා
ගිනි සැඩ රැස් පිට කරාවි
චන්ඩ හිරුට වහන් වෙලා
දහවල සගවා පැතුමන්
සීත සීත රැ එද්දි
තරු කැට එයි දිලිසි දිලිසි
සොමි රැස් පිරි හද එළියේ
තනිවෙමු සුළු මොහොතක්
හිරුට හොරා සද එළියේ
පින්න වැටි තෙත් වීලා
හිරු නැග එන්නා කෙක්

හර්ෂ - කලබල සිතුවිලි

Monday, May 27, 2013

පඩික්කම් පුරව පුරව බෞද්ධ දායකයන්ගේ සල්ලි වලින් නඩත්තු වන සුපිරි ගනින්නාන්සේලා ඉන්න රටක බෝවත්තේ ඉන්ද්‍රරතන, නානසාර වැනි හිමියන් උතුම් මය.

පඩික්කම් පුරව පුරව බෞද්ධ දායකයන්ගේ සල්ලි වලින් නඩත්තු වන සුපිරි ගනින්නාන්සේලා ඉන්න රටක
බෝවත්තේ ඉන්ද්‍රරතන, නානසාර වැනි හිමියන් උතුම් මය.

උදේට, රෑට, පෝයට, 7 දවසේ-තුන්මාසේ-අවුරුද්ද මතක බණට, කඨීන සහ නානප්‍රකාර අවස්ථාවල බන කිය කියා නම හදාගන්නා ගනින්නාන්සේලා නිසා අද බුදු බණත් සාමාන්‍ය ජනයාට නිකම් ස්ටාර් ගායකයන්ගේ ගී තරමටම සාමාන්‍ය දෙයක් බවට පත්වෙලා.

පඩික්කම් පුරෝ පුරෝ ඉන්න ගමේ දායකයන් සල්ලි එකතුකරලා පන්සල නඩත්තු කර කර බෞද්ධයන් නිදි කරමින් ඉන්න අවස්ථාවක,
මහා නායක, අනු නායක සහ අනෙකුත් නායක කාරකාදීන් සුවෙන් සැතපී ඉන්න අවස්ථාවක,
නොයෙක් නොයෙක් විකාර සහ ශෛලීන් අනුව බන කියන්න සුපිරි ගායකයන් වැනි ගනින්නාන්සේලා බිහිවෙන කාලයක,
අල්පේඡ්ඡ බව අමතක කරලා මහේශාඛ්‍ය ලීලාවෙන් දිවි ගෙවන සුපිරි ගනින්නාන්සේලා ඉන්න කාලෙක,
බෞද්ධයන් නමට පමණක් බෞද්ධයන් වී කොසොල් රජු දැක්ක සිහින වලින් කියවෙන කාලයක් නිර්මාණය වෙමින් තියෙන කාලයක,
බෞද්ධයන්ගේ මර්මස්ථානවලට අන්‍ය ආගමිකයන් බලපෑම් කරන කාලයක
(තවත් ඕනෑ තරම් මේ හා සමාන තත්වයන් ඇති කාලයක)

නිදා සිටින බෞද්ධයා,මනෝ ලෝකයක ස්ථාන ගත කරවා සිටින බෞද්ධයා අවධිකිරීමට මේ බෝවත්තේ ඉන්ද්‍රරත්න හිමියන් ගත් ක්‍රියා මාර්ගය අකමැත්තෙන් වුවත් සතුටු වෙමි.

එයින් දැන් බෞද්ධ නාමය මත ඉන්නා බොහෝපිරිස් අවධිවි ඇත. බෞද්ධ පුනරුදයක් ඇති කිරිම සදහා වෙහෙස වෙන සහ එය මර්ධනය කල යුතු යැයි සිතන කණ්ඩායම් දෙකක් බිහිවී ඇත. දැන් බෞදධ පුනරුදයක් ඇතිවන පිරිස් ලාම්පුතෙල් ගෑවුනු ගැරඩින් මෙන් ඇවිස්සී ඇත. කුපිත වී ඇත. ෆේස් බුක් සමාජයේද එවැන්නෝ බහුලව වාසය කරති.

ඉතින් ඔවුන් වැන්නන් ගේ ප්‍රතිවිරෝධතා බෞදධ පුනරුදයට හේතුවන්නක්ම වේ.උතුරේ යුද්ධ කරනකොටත් ඕක දිනන්න බෑ දිනල වැඩක් නැ, දෙමළ ජනතාවට අයිතිවාසිකම් දීමෙන් පමනක් උතුරේ අර්බූදය විසදිය හැකි යැයි කියපු, පිටරැටියන් එක්ක කුමන්ත්‍රණය කරපු ලාංකිකයන් ඉදිද්දී තමා යුද්ධේ දිනලා ඔය කොයි කුම්භාන්ඩයන්ටක් අද යාපනේ ගිහිල්ලා නල්ලුර් කෝවිල වැදලා ආරුගම්බේ මහුදේ කිමිදෙති.

ඉතින් ඒක නිසා මේ බොදු සිංහල පුනරුදයට විරුද්ධ වන අය සිටීම අරුමයක් නොවේ. ඔවුන් ආශිර්වාදයකි.

බොදු සිංහල පුනරුදයට ජය ශ්‍රී..!

Friday, May 17, 2013

නුඔ හෙළු රුහිරට අද අපි බෝ ණයතෑ..!


සදාදර ආනන්ද නාලන්ද රණවිරුවනි..

හෙළු රුහිරු ලක් පොලොව මතටෑ
අදුරු කලේ නැත මවිබිමේ දවසෑ
දුක්වූවත් නැති සොව පසුගිය දිනකෑ
නුඔ හෙළු රුහිරට අද අපි බෝ ණයතෑ

තිස් වසරක යුද්ධය ජයග්‍රහණය කිරීම නිමිත්තෙන් සිව්වන විජයග්‍රහණ දිනය සමරන අද දින නාලන්දා මෑණියන් දායද කල රණවිරු පුතුන් රැසක් රට වෙනුවෙන් දිවි පුදා ඇත. ඒ සදාදරණීය සොහුයුරන් සහ සහෝදර ආනන්ද විද්‍යාලයේ න් යුද බිමට බැස දිවි පිදූ සොහොයුරන් වෙනුවෙන් මේ උපාහරය..!